O rexurdir de Pontedeume

Fotos do Carnaval de Verán 2008

2008-11-27T08:00:00.000+02:00

Por mor das moitas peticións recibidas, decidín poñer unhas fotografías do Carnaval de Verán 2008.
Comezamos coas fotografías dun grupo de amigos que sempre participan da festa, nesta ocasión decidiron ir a marea

tivemos un mimo ¿ou era unha estátua?

persoaxes de conto

sempre ben recibidos as portas dos bares

a raiña da festa

visitounos a aristocracia

desde Oriente

e tivemos ata gladiadores

Espero que as mesmas sexan do voso agrado. Si algunha das persoas que saen nas fotografías quere algunha, que mo pida por correo electrónico, chega con premer o botón que tedes arriba no blogue.

Escapada ao Concello de Riós-Ourense

2008-10-07T10:33:00.005+02:00

Esta fin de semana demos en escapar ao Concello de Riós coa excusa de pasa-lo ben, pero a tenor da recompensa, a viaxe pagou a pena.
Cando íamos polas rúas e vieiros do concello animáronnos a percorrer os montes e buscar setas, concretamente boletus que segundo as verbas destes señores había bastantes, polo que dirixímonos a súa procura. Unha tarde de auténtica loucura ou sorte, xulgade vos mesmos,

pero o importante foi a xornada que pasamos e o manxar que trouxemos pra Pontedeume.

¡Ata maio non voltamos a Breamo!

2008-09-30T08:07:00.003+02:00

29 de setembro, un día espléndido e gañas de pasalo ben, foron os ingredientes básicos pra que un ano mais a Romaría de Breamo fose un éxito ainda sendo luns.

Comezou o día coas misas e ca tradicional procesión ó redor da Capela de Breamo

portando a imaxe de San Miguel

o son das gaitas.

Despois cada quen disfrutou da festa da mellor forma posíbel a carón dos amigos ata que o corpo resistiu, sin esquecer as 9 voltas a capela, dando por despedido o verán a vez que xa se contan os días que faltan pra que chegue o 8 de maio e voltar a Breamo.
Deixovos coas reportaxes que fixeron en directo os da TVG en Breamo pra deleite de todos aqueles que non os viron. O primeiro é a conexión que fixeron a primeira hora.

Neste vai a entrevista que lle fixeron a unha pandilla a hora da comida.

O 29 de setembro subimos a Breamo

2008-09-28T18:49:00.001+02:00

Chega o 29 de setembro, unha data agardada por tódolos eumeses para despedir o verán cunha Romaría no monte de Breamo.
Unha data na que respírase ledicia e o ambiente festivo pálpase no ambiente.
Lembra o lema que lanzan desde o concello "En Breamo xoga limpo", un eslógan que non fai mais que recordarnos que a diversión é posibel sin deixar todo cheo de lixo.

Unha vez dito o anterior so quédame convidarvos a participar da festa e a cantar conmigo " Solo te pido, solo te pido que me dejes tres días al año, San Miguel, Breamo y el río .....".

As anduriñas emigran despois das Peras

2008-09-10T11:31:00.005+02:00

Que as Anduriñas son os páxaros mais queridos polos galegos, sábeo todo o mundo, que as Anduriñas emigran, sábeo todo o mundo, pero que as Anduriñas gústanlle As Peras e emigran despois de estar na festa, ¡sabémolo os Eumeses!, ¿agardarán ata a Romaría de San Miguel de Breamo?.

Blogue con toda a programación das Festas das Peras 2008

2008-08-30T17:29:00.002+02:00

A pouco mais dunha semana para o comezo das Festas das Peras 2008, a Comisión de Festas pon a nosa disposición un blogue para que non perdamos ningunha das moitas actividades que nos teñen preparadas, así como tamén puxeron o noso dispor un código para que poñamos nos nosos blogues un banner que nos dirixa directamente o blogue das Festas das Peras 2008.
Deixovos aquí o banner

un banner que como podedes comprobar xa puxen no lateral e que podedes facer o mesmo copiando o código do caixón. Aproveito a vez para darlle a noraboa a Comisión de Festas 2008 polo traballo que levaron e levan, un traballo que queda patente no blogue que fixeron para a nosa información.

Manifestación polas rúas contra a empresa química

2008-08-21T16:05:00.004+02:00

Baixo o lema ¡Non nos mires, únete! discurría unha manifestación polas rúas de "Pontedenós" contra a industria química.
Segundo a imaxe anterior pode parecer certo, pero en realidade trátase da rodaxe da serie "Os Atlánticos", uns exteriores que graban estes días en Pontedeume.

Fotografías da visita ao Mosteiro de Caaveiro (Fotografías de la visita al Monasterio de Caaveiro)

2008-08-01T13:20:00.009+02:00

Calquera excusa é boa para visitar o Mosteiro de Caaveiro, un mosteiro que os Sacerdotes Regulares de Santo Agostiño levantaron no medio da impresionante paisaxe que constitúe o Parque Natural das Fragas do Eume.

Para chegar ao mosteiro subiremos por unha senda

na que a cada paso que damos e mentres dura a subida, descubrimos a maxestuosidade das Fragas do Eume, por exemplo acibros,

ou as maravillosas formas que preséntanos o musgo sobre as rochas.

Como premio a subida observamos o Mosteiro en todo o seu explendor nunha posición dominante.

Unha vez dentro do recinto podemos ver o Mosteiro e o Ábside da Igrexa de Santa Isabel,

así como o escudo heráldico que preside a entrada

e unha fiestra do Ábside.

Unha vez que estamos dentro da igrexa non podemos esquecer que nos atopamos nas Fragas do Eume, polo que admiramos a paisaxe a traverso do Rosetón.

Seguindo coa visita guiada, vemos outra perspectiva do Mosteiro.

Unha vez que saimos do Mosteiro é visita obrigada baixar ata as ruinas do antigo muiño,

nas que vemos o que queda do muiño,

a ponte que cruza o río

e a beleza da auga cando baixa entre as rochas.

Hai outras moitas fotografías que podería poñer, pero non o farei para que cando vaiades de visita, as descubrades e sorpréndavos.

Abordaxe no Eume

2008-07-05T19:27:00.003+02:00

Parece un titular moi duro e tráxico, pero a vista das imaxes entenderédelo.

Debido a cantidade de barcas que hai no fondo da ría de Pontedeume, o baixar a marea fixo que unha das que ainda non están "fondeadas" coincidise e quedase en posición dominante como dicindo "ao abordaxe".

E o día seguinte descansou

2008-06-29T11:05:00.004+02:00

Esta é a historia dunha pita eumesa que tódolos días agasalla aos seus donos cun ovo.

Van pasando os días e a nosa protagonista acude a súa cita diaria cos seus donos, ata que un día sorpréndeos cun ovo fora do común xa que o mesmo cáseque duplica o tamaño dos anteriores.

A expectación e inquedanza entre os seus donos subía ante a chegada do agasallo do día seguinte e as apostas de como sería o tamaño do ovo do día seguinte, polo que os dous xuntos cando o día abriu erguéronse para descobrer a sorpresa que lles tiña reservada a súa pita.
Cando chegaron o seu carón viron que había un ovo moito mais pequeno que os normais

polo que enténdense as verbas do seu dono cando dixo "é normal tal e como lle quedara o cu despois do ovo de onte" polo que enténdese perfectamente aquelo de que o dia seguinte descansou.

Festa no río a base de "Costrada de Pontedeume"

2008-06-14T13:04:00.002+02:00

O pasado domingo 8 de xuño celebrouse a festa de benvida da tempada estival do Bar Fubolín de tódolos anos.
A do ano pasado foi espectacular tal e como desde aquí xa dixemos, polo que se poñía o listón moi alto pra este ano.
Tal e como anunciou Xulio e Rosa propietarios do Fubolín, o prato estrela deste ano ía ser a "Costrada de Pontedeume", un prato exquisito e que vos recomendo que provedes se non o fixéstedes aínda. Neste caso tratábase dunha "Costrada de Carne", din que a mellor é a de vieiras con rodaballo, un prato típico de Pontedeume no que se funden unha multitude de sabores e texturas ao estar composto de varias capas separadas entre si, co que cando a comes sentes esa explosión de sabor que che fai gozar do que estas saboreando, sabor que se fai máis patente e intenso cando a gozas fría.

As "Costradas" fíxoas a confitería "Obradoiro de Pontedeume", unha confitería que a fai desde fai moito tempo seguindo a tradición familiar.
Pero tras estas fotografías houbo tamén outras moitas sorpresas e actividades que tentarei recoller nesta montaxe de fotografías para goce e disfrute de tódolos que tivemos a sorte de ir.

Tras todo isto dicir que se puxo o listón aínda máis alto pras próximas festas do Fubolín aínda que coñecendo a Xulio e a Rosa saberán como superarse ano tras ano.

Ano de parrochiñas da ría

2008-05-22T17:37:00.000+02:00

Se facemos caso do que din os nosos maiores a tenor destas fotografías, este ano será un bo ano para as parrochiñas da ría.
Nas mesmas e sacadas desde a distancia, sei que poderían ser mellores, podemos ver a parte dos 7 golfiños ou arroaces que hoxe pola mañá apareceron na ría fronte á praia da magdalena.

Polo que facendo caso aos nosos maiores este será un bo ano de parrochiñas, porque cando hai golfiños hai parrochiñas, iso si, espero que nos deixen as suficientes para poder gozalas ao fume, lañadas ou simplemente fritas.

"Combater a ignorancia con poesía" fala-la fala nai

2008-05-17T12:54:00.000+02:00

Fala-la fala nai pode parecer un trabalinguas pero trátase da realidade, xa que falar galego é un dereito que temos e porque a nosa lingua é potencia.
"Combater a ignorancia con poesía" pretende ser no día das letras galegas unha homenaxe á nosa fala e á nosa escrita, e que millor forma de facelo que con un poema de Celso Emilio Ferreiro (Longa Noite de Pedra):

DEITADO FRENTE Ó MAR...

Lingua proletaria do meu pobo
eu faloa porque si, porque me gusta
porque me peta e quero e dame a gana
porque me sae de dentro, alá do fondo
dunha tristura aceda que me abrangue
ó ver tantos patufos desleigados,
pequenos mequetrefes sen raíces
que ó pór a garabata xa non saben
afirmarse no amor dos devanceiros,
fala-la fala nai,
a fala dos abós que temos mortos,
e ser, co rostro erguido,
mariñeiros, labregos da linguaxe,
remo e arado, proa e rella sempre.

Eu faloa porque si, porque me gusta
e quero estar cos meus, coa xente que sufren longo
unha historia contada noutra lingua.

Non falo prós soberbios,
non falo prós ruíns e poderosos,
non falo prós finchados,
non falo prós estupidos,
non falo prós valeiros,

que falo prós que aguantan rexamente
mentiras e inxusticias de cotío;
prós que súan e choran
un pranto cotián de volvoretas,
de lume e vento sobre os ollos núos.
Eu non podo arredar as miñas verbas de
tódolos que sufren neste mundo.

E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ó mar, ise camiño...

Breamo en branco e negro (fotos)

2008-05-09T08:31:00.009+02:00

Xa pasou o Breamo de maio polo que xa queda menos pro río. Este foi un Breamo especial dado que foi o primeiro que cheguei a tempo de asistir a misa e procesión, polo que quixen recordalo como os Breamos de antes facendo unhas fotografías en branco e negro que quero compartir con todos poñendo así o meu gran de area para facer que esta festa chegue a ser coñecida en tódolos rincóns do mundo.
Espero vos gusten e as disfrutedes tanto como o fixen eu onte.

¡A Breamo vou lixeiriño caaaamiñando....!

2008-05-08T08:45:00.001+02:00

Chegou o DÍA e o poño con maiusculas xa que é moi importante para Pontedeume, pois hoxe imos de Romaría a BREAMO.

Ainda que as prediccións feitas por meteogalicia fai uns días non acertasen, xa se nota na rúa que hoxe non é un xoves normal. Nótase un espíritu de festa e gañas de pasalo ben, polo que somentes queda esperar que chegue a hora e comezar a subida, unha subida na que ainda que se limparon os accesos debido a choiva haberá que ter un pouco de coidado, pero o mais importante é pasalo ben e lembrar que "En Breamo xoga limpo" eslogan empregado polo Concello de Pontedeume para concienciar a xente de que é posibel disfrutar da festa sen deixar tanto o camiño como o campo da festa cheo de lixo.

O 8 de maio vamos de Romaría a Breamo

2008-04-19T18:27:00.001+02:00

Xa temos nas rúas os carteis da Romaría de Breamo, polo que mirando o calendario vemos que xa queda pouco para o " Solo te pido, solo te pido que me dejes tres días al año, San Miguel, Breamo y el río .....".

Razóns para visitar Pontedeume

2008-04-10T19:03:00.006+02:00

Teño a intención de iniciar unha serie de capítulos nos que mostrarei moitas razóns para visitar Pontedeume e comarca.
Para comezar esta singladura mostrareivos unhas imaxes do pinar de Cabanas e dalgunhas das marabillas que no mesmo podemos atopar, da súa praia e como se ve Pontedeume desde a outra beira. Espero que sexa do voso agrado.

A mensaxe da arte

2008-03-12T20:10:00.000+02:00

Sobran as palabras.

Europa tamén bailará o Chiki Chiki

2008-03-09T14:08:00.002+02:00

Si é certo e non estou equivocado cando afirmo que Europa bailará o Chiki Chiki.

Na gala que se celebrou onte baixo o lema "Salvemos Eurovisión", outra cousa é que o acaden, mediante os votos de tódolos televidentes que quixeron participar, a canción elixida para representar a España foi o "Chiki Chiki" de Rodolfo Chikilicuatre.
Noraboa ao vencedor, e a todos aqueles que participaron na Campaña de apoio que se fixo en Pontedeume á súa candidatura, da que vos mostro imaxes.

E recorda si é que non o sabías, que

Y el chikichiki se baila así
Uno: el brikindans
Dos: el crusaíto
Tres: el maiquelyason
Cuatro: el robocop

Na xornada de reflexión: Vota ao Chiki Chiki

2008-03-08T18:41:00.001+02:00

Nunca pensei que este post vise nunca a luz, pero ante a insistencia dalgúns colegas decidín dar un paso á fronte.
Fai algunhas semanas cando escoitei esta "canción" por primeira vez, pensei por un intre que se trataba dunha das moitas bromas de Buenafuente, pero co transcorrer dos días vin o poder de chamamento que ten devandito humorista, pois foi sacar a canción en pantalla pedindo o voto para a mesma e empezar a subir nas listas das cancións máis votadas para Eurovisión.
Tras todo isto e vendo que estamos no gran día no que se decide a canción que nos representará no festival, pensei por un intre ¿nunca quixeches ver o cutrefestival sen sentir vergoña allea?. Este é o momento, por iso Vota o Chiki Chiki, porque imaxina por un momento que gañase o cutrefestival.....

Non esquezas que:

Y el chikichiki se baila así
Uno: el brikindans
Dos: el crusaíto
Tres: el maiquelyason
Cuatro: el robocop

Proba galega de que a terra é redonda

2008-03-05T14:38:00.001+02:00

Que a terra é redonda sabémolo todos, pero en Galiza xa o sabemos desde fai tempo e ás probas remítome.

"Demostración galega de que a terra é redonda"

1ª Xornadas gastronómicas do Porco Celta no Eume

2008-02-28T01:29:00.001+02:00

A Asociación Gastronómica do Eume "A esmorga" presenta ás Iª xornadas gastronómicas do "Porco Celta", que terá lugar ou vindeiro venres 29 de febreiro as 19:30h no Centro de Recepción de Visitantes dás Fragas do Eume, en Ombre.

Contaremos neste acto coa participación de Eugenio Prados, Director Técnico de Asoporcel (Asociación de criadores de Porco Celta) así como de Quino Pisonero, Veterinario de campo dá propia asociación e de Jose Luís Perez Gonzalez, xerente de "Porco Real" empresa elaboradora de produtos cárnicos de Porco Celta.

Non remate do acto-presentación pasaremos a facer unha cata-degustación, comentada, dous produtos de Porco Real.

Para mais información arriba tedes o cartaz do acto.

Cursos de Formación para persoas en paro

2008-02-28T00:40:00.001+02:00

A Asociación de Vecinos "A Vila" de Pontedeume, no seu afán de dar a coñecer e que así poidan chegar a tódolos veciños de Pontedeume, faime chegar por medio do correo electrónico as ofertas de cursos para persoas que estean en paro. Estes cursos están promovidos por os sindicatos, debendo saír máis cursos en próximas datas. Póñovolos nun enlace para que podades descargar o arquivo no caso de que estedes interesados. Se algún curso fose do voso interese deberedes ir á oficina de emprego. Cada curso ten unha axuda econónica de 6 euros diarios para gastos de desprazamento.
Desde aquí grazas a Asociación de Veciños "A Vila" polo seu traballo e preocupación co resto de veciños.

Descargar cursos sindicatos de Fene


Descargar cursos sindicatos de Ferrol

¡¡¡ Cambio climático ou ten un par de c.... !!!

2008-02-20T20:02:00.002+02:00

Calquera que se asome á fiestra ou salga a pasear pola rúa, campo ou calquera outro lugar, poderase dar conta de que o tempo xa non é como antes e pódense ver árbores en flor, co perigo de que veña unha xeada e leve tódolos brotes por diante, ou esta imaxe na que se pode ver a moitas persoas paseando pola praia máis ou menos abrigadas mostrando o seu asombro ao ver a unha persoa de idade avanzada como se baña e inclusive dá unhas brazadas no mar.

"Eu xa doei, ¿e ti?"

2008-02-12T15:42:00.000+02:00

Como dixen na entrada anterior, hoxe durante todo o día estará na Alameda de Rajoy, a unidade móbil do Centro de Transfusión de Galicia para atender a todos os doantes de sangue.En devandita unidade e como profesionais que son, atenderanche enseguida e cun sorriso farán posible que does sangue, polo que estarás doando vida.
Durante o proceso ofreceránche de beber e comer algo, e o finalizar regalaranche un detalle, pero recorda que o mellor agasallo estalo facendo ti ao doar.
Tras todo isto soamente me queda por dicir que "Eu xa doei, ¿e ti?".

Doar sangue é doar vida

2008-02-11T23:55:00.000+02:00

O martes 12 de febreiro desde as 10'00 ata as 14'00 horas e desde as 16'00 ata as 21'00 horas a unidade móbil do centro de transfusión de Galicia, estará na Alameda de Rajoy esperando a solidariedade de tódolos eumeses, porque recorda "Doar sangue é doar vida".

Os manxares do entroido

2008-02-04T19:32:00.001+02:00

A festa do Entroido posúe un acentuado carácter gastronómico: é momento de fartura e de abundancia na mesa, antítese do tempo de prohibición que se aveciña, a Coresma.

O porco é o rei da festa. O Entroido é a primeira festa popular que se celebra despois da matanza, que ten lugar a finais de decembro ou principios de xaneiro. Nestas datas cómese a cachucha, cachola, cacheira, cachela ou cachaza, que é a cabeza do porco, cocida con grelos, patacas, chourizos, rabo; o lacón con grelos; botelo ou a androlla.E ainda que tente agocharse tras o disfraz, acabará no caldeiro igual.

Charla da Asociación de Veciños "A Vila" de Pontedeume

2008-01-28T17:37:00.000+02:00

A asociación de veciños "A Vila" de Pontedeume ante a inquietude xurdida ante a inminente desaparición o próximo 1 de xullo da "Tarifa nocturna e o seu cambio forzoso ao Horario Discriminado", organiza o mércores 30 ás 19'00 horas no Salón de Actos de Caixa Galicia, unha charla na que se aclararán todas as dúbidas e consecuencias que devandito cambio traerá.

Móstrovos o cartaz de devandito evento onde podedes ver os nomes dos técnicos que impartirán a mesma.

Estamos a piques de rematar a costa de xaneiro e xa comeza a costa do porco

2008-01-24T22:07:00.000+02:00

Cando ainda non rematou a costa de xaneiro xa se nota que a costa do porco asoma o seu fuciño e que teremos que facer fronte as laconadas, as orellas do entroido, os freixós, as torradas e demais esquisiteces que se nos ofertarán nos vindeiros días.
Como avance xa vos digo que non fun quen de decir que non quería cando o outro día mas ofreceron. En fin ¡que dura é esta vida!.

Arco da vella na ría

2008-01-10T22:55:00.000+02:00

Basta abrir os ollos para gozar da contorna no que vivimos, pero se lle sumamos o marabilloso agasallo con que nos obsequia a natureza obtemos esta bela estampa da praia de Cabanas baixo un arco da vella á vez que uns raios de sol ilumínano para resaltar máis se é posible a súa beleza.

Feliz Aninovo

2008-01-01T21:13:00.001+02:00

¡Que teñades un bo día!

2007-12-28T13:47:00.000+02:00

Con nocturnidade e alevosía

2007-12-28T13:45:00.000+02:00

Hoxe pola mañá quedei abraiado cando pasaba por a antiga praza do pilón, praza a que dende hoxe mudou o seu nome.

Tódalas persoas que por alí pasaban non podían permañecer impasíbeis ante o que vían, pois imaxino que dende o concello con premeditación e alevosía se realizaron os traballos baixo fortes medidas de vixiancia, grazas todo esto a un acordo que mantiñan en segredo con o Ministerio de Defensa e que se fixo realidade onte pola noite.
Eu deixarei unha imaxe que vale mais que mil palabras, ainda que desta vez a miña cámara non fose quen de sacar unha boa instantánea, descoñezo os motivos. Na mesma se pode ver como sacaron do seu emprazamento o pilón e no seu lugar puxeron unha estatua, estatua que non chamaría tanto a atención si non fose quen é. Somentes decirvos que dende hoxe o novo nome da praza do pilón será a da praza do xeneralísimo, praza que permañecerá baixo a forte vixiancia da lasca do alto do torreón.Dende aquí convídovos a que pasedes por a praza para ver o cambio e protestar perante o concello si non vos gusta a idea.

As "lubinas asasinas" invaden Pontedeume.

2007-11-17T18:30:00.000+02:00

"A invasión das lubinas asasinas", podería ser o título de calquera película, pero é o que me xurdiu para encabezar esta historia.

A mesma comeza cando nos dirixíamos a praia da Madalena-Cabanas, para camiñar un pouco e aproveitar así un pouco o sol. Para ir a praia mentras atravesábamos a ponte de ferro, para os da fora trátase da ponte do tren, vimos un grupo de persoas que non eran de aquí e que estaban a mirar hacia a auga, por o que nos o chegar a súa altura nos dispuxemos a mirar, e de seguido nos dixeron que se trataba dun banco de lubinas, pero non contentos con eso se dirixían a tódalas persoas que atravesaban a ponte o grito de "mirade que morea de lubinas", por o que tras mirar nós vimos que efectivamente se trataba dun banco de "múxeles", que por suposto non llelo dixemos por temor o desacougo que poderían levar o enfrontarse con a cruda realidade. E me pregunto ¿será unha bonita historia para contárllela os seus netos nun futuro?.

O inxenio dos eumeses.

2007-11-12T19:43:00.000+02:00

Que os eumeses temos moito inxenio é de todos coñecido, pero o máximo expoñente o poiden ver o outro día cando estaba a dar un paseo por a praia de Cabanas e nos demos conta que se poden practicar dous deportes a vez, e para mostra unha imaxe mellor que mil palabras ¿Acabará por ser a pesca en piragüa un deporte olímpico?.

Unha estatua que ten no seu interior algo dun Eumés.

2007-11-09T14:04:00.000+02:00

O outro día non poiden resistir o impulso de inmortalizar e gastarlle así unha broma a un amigo, o novo emprazamento que se lle deu desde que foi retirada da Praza de España.

Estou a falar da estatua equestre de Franco, estatua que ten o seu novo emprazamento dentro do cuartel de infantería nunha esquina do patio principal.
Cando lles amosei estas imaxes a estes amigos, un deles ante o meu asombro, me sinalou a pata traseira dereita do cabalo e me dixo ¡Aquí dentro hai algo dun Eumés!.Como comprenderedes a pregunta seguinte que fixen foi que de que se trataba e que tiña que tiña que ver, respostándome que se trataba de un xogo de chaves que se lle caiu dentro do molde cando a estaban a fundir, de ahí que me decía o de que ¡A pata traseira dereita do cabalo de Franco ten algo dun Eumés!.

Abelardo Miguel na Wikipedia.

2007-10-23T19:29:00.001+02:00

Abelardo Miguel na wikipedia. Si xa podemos saber mais deste xenial pintor eumés, e de paso grazas a rede de redes, facer que o nome de Pontedeume soe con mais forza en calquera recuncho do planeta.

Pontedeume e Abelardo Miguel xuntos da man.

2007-10-18T21:34:00.000+02:00

Que Abelardo Miguel e Pontedeume van xuntos da man non lle pode resultar estrano a ninguén.
Abelardo fixo moito por Pontedeume e pouco a pouco somos quen de recoñecer toda a laboura que fixo e a millor forma que temos agora de aprecialo, é darlle toda a importancia que tivo e ten a súa obra a prol do recoñecemento e desenvolvemento da vida e todo o cotiá dos eumeses.
Amósovos un cadro no que se pode apreciar a fonte do pilón con o torreón vixiante, e no que ainda se pode ver o "estanque" que estaba a os seus pés, estanque que tiña peixes e que non fai falla ter moitos anos para lembrarse del.Toda esta información está sacada de unha páxina que me mandou María Fidalgo e na que podedes atopar información de moitos dos pintores que mais relevancia tiveron ou teñen de Galicia, entre os que podemos atopar a figura de Abelardo Miguel.

Grazas a ti.

2007-10-17T09:04:00.000+02:00

Pasaron uns intres dende que puxen a anterior entrada e recibimos como regalo un novo cuadro que quero compartir con todos vos, GRAZAS María.No mesmo correo me dice que atopou parte do legado de Abelardo Miguel en Salamanca e que en datas próximas sacará un artigo na revista do Centro Galego de Bos Aires, así como que ten previsto dar dúas conferencias en Ferrol a finais de decembro argallado por a Sociedade Artística Ferrolana e no Liceo de Ourense, ámbalas sobor da vida e obra de Abelardo Miguel.
Ten previsto tamén dar unha conferencia en Pontedeume, somentes falta a confirmación por parte do concello, e utilizando as súas verbas "conferencia que gostaría moito de dar por razóns sentimentais e afectivas con a familia do pintor e que no verán non se puido dar como a ela lle houbese gustado".

María Fidalgo segue a tentar recopilar a obra de Abelardo Miguel.

2007-10-16T19:32:00.000+02:00

Hai mais dun mes recibín un correo de María Fidalgo no que me comunicaba que seguía con o seu traballo, que non é outro que recopilar a obra do eumés Abelardo Miguel.
Dende estas páxinas no seu día xa demos conta do chamamento que fixo e da resposta que nos deu, na que nos amosaba a súa ledicia a vez que nos deleitaba con a fotografía de cuadros de Abelardo Miguel.
Na procura de catalogar a obra, me di que está a ser moi difícil posto que ainda que acadou grandes avances, pouca xente se puxo en contacto con ela para así poder seguir a traballar. Cabe destacar o estudo que recentemente ven de publicar na revista "Cátedra" sobor da súa estelar obra da Cooperativa de Castro e agora está a publicar tamén na revista "Nazón" un artigo sobor da identidade galega na obra do pintor. Por outro lado segue a divulgar a súa obra facendo públicos tanto a súa obra como o nome de Pontedeume en diversos medios de comunicación como pode ser na Voz de Galicia, no Diario de Ferrol, e buscando mais aló da provincia atopei un artigo na Región de Ourense.
Dende este blogue reitero a petición de que si algunha persoa poidese axudar na catalogación da obra de Abelardo Miguel non dubide en poñerse en contacto conmigo.
GRAZAS de parte de María Fidalgo.

¡Nos invade!.

2007-10-09T09:55:00.000+02:00

Si non é unha utopía, pois nos tempos en que estamos en Pontedeume sufrimos a invasión da néboa, invasión que trae unhas molestias que todos poidemos sentir e de xeito ainda a esta hora a podemos ver, pero que nos deixou imaxes das que espero disfrutedes como o fixen eu.

Hoxe 29 de setembro é San Miguel e toca ¡Subir a Breamo!...

2007-09-29T09:06:00.000+02:00

Hoxe 29 de setembro é San Miguel e polo tanto tódolos eumeses e os milleiros de persoas que nos visitan hoxe quedan convidados a Subir a Breamo.

En Pontedeume duas veces no ano celebramos a Romería de Breamo, a do 8 de maio e a de hoxe. Nestas datas os eumeses aproveitamos para darlle a benvida e despedida o verán.
Hoxe en calquera recuncho da vila poderá ser visible a ledicia e sorrisos de toda a xente, polo que dende aquí convídovos a participar da festa e a cantar conmigo " Solo te pido, solo te pido que me dejes tres días al año, San Miguel, Breamo y el río .....".
¡Que o pasedes ben!.

A Galega en Pontedeume.

2007-09-27T18:07:00.000+02:00

Imaxino que xa teredes visto por Pontedeume durante estas últimas semanas a Galega.
Si falo da Televisión de Galicia, que está a rodar os exteriores da súa nova serie "Os Atlánticos".
Esta nova serie escomenzarase a emitir no vindeiro mes de xaneiro e constará nun principio de 13 capítulos protagonizados principalmente por Manquiña, Deive e unha morea de novos talentos entre os que cabe destacar algúns que xa participaron en "Mareas Vivas".

Amósovos unhas imaxes nas que poderedes ver un momento da rodaxe de onte na rúa Real.Dende este este blog desexarlles os maiores dos éxitos a esta nova serie.

Xa falta menos para "San Miguel".

2007-09-21T13:22:00.000+02:00

Xa falta menos para que chegue o 29 de setembro, día no que se celebra o San Miguel.

Cando esa data chega, tódolos eumeses e persoas que coñecen as costumes eumesas, se preparan para celebrar e disfrutar da Romaría de Breamo.
Amósovos o cartel obra de "Chimporta" e que nos está a recordar o evento. Para os mais impacientes e queren saber canto tempo falta, tedes na marxe dereita do blog un contador que vos indica o tempo que teremos que agardar para subir.
Ah se me esquecía, podedes mirar si estades no cartel, xa que o mesmo está feito con fotos modernas e antigas de xente que sube a breamo.

Voltamos de larpeiros.

2007-09-18T19:20:00.000+02:00

De novo nos volvemos a xuntar uns amigos e dende Pontedeume saimos con a intención de facer mais agradable o domingo.
A primeira parada era Melide para alí poder tomar os viños de rigor e facer hora ata a comida.
Cando se aproximaron as tres da tarde saimos cara o "Muiño das Canizas", un lugar que vos recomendo tanto para comer como para pasar un día en contacto con a natureza.
Despois de comer e de tomar a nosa primeira "chispanza" de rigor na terraza do muiño, demos un paseo rio arriba con a intención de si éramos quen de ver unha troita de pé, non houbo sorte, pero ainda así poidemos disfrutar do entorno.
O acabar o paseo saimos dirección o Castelo de Pambre e o Balneario Rio Pambre, para unha vez chegados alí poder disfrutar con a nosa segunda "chispanza" sentadiños na terraza e respirando a tranquilidade do entorno.
Cando acabamos saimos dirección a Pontedeume con a intención de ver o partido de baloncesto, que non tivo o final que todos desexávamos, pero que se lle vai a facer outra vez será, eso si Grazas dende aquí a parella de amigos que se xuntaron por primeira vez o grupo e nos permitiron disfrutar mais da excursión, xa que naceron na zona visitada.

Volta á realidade cotiá.

2007-09-12T12:03:00.000+02:00

Remataron as Festas das Peras 2007, dende este blog noraboa os da comixión por os éxitos acadados, e voltamos á realidade cotiá.

Nestes días poidemos disfrutar dos Mómaros e Cabezudos,da cucaña,do concurso de froitas,de moitas mais actividades que tivemos nestes días e de toda a algarabía que había nas rúaspero a partires de agora basta con dar un paseo para darse conta de que todo pasou e voltamos o cotiá, pois xa non están ateigadas de xentepero como Eumeses que somos, e copiando o que dín en Pamplona "Eumeses, non vos preocupedes que xa queda un día menos para honrar a San Miguel e poder subir a Breamo".

Concurso de froitas e descenso do Eume das Peras 2007.

2007-09-10T09:51:00.000+02:00

Chegou o día do concurso de froitas e de ver quen gañaba o 41º descenso do Eume en piragua.
De mañanciña xa nos poidemos deleitar con o concurso de froitas, das que moitas xa eran comidas somentes con a vista pois lucían fermosas , apetitosas e orgullosas de poder exhibirse diante de tanta xente. Contanme que destacaban entre todas as froitas uns limóns que tiñan o tamaño de melóns, e que moitan xente pensaba que se trataba de marmelos xigantes. Deixovos unhas fotos para deleite e recordo.

E xa por a tarde o 41º descenso en piragua nos fixo apostarnos as marxes do Eume, e así poder ver o esforzo que estaban a facer todos os piraguistas. Deixovos unha foto do palco con todos os trofeos que se iban a premiar os mais destacados.

A cucaña das Peras 2007.

2007-09-09T11:56:00.000+02:00

Estamos de cheo nas Festas de Pontedeume, As Peras 2007.
Hoxe o artigo versará sobor de un dos momentos que mais me gustan tanto a mín como a tódolos visitantes que veñen a Vila, a Cucaña Marítima.

Xa sabedes do que estou a falar, pero para aquelas persoas que descoñezan o que é, decirlles que se trata de poñer nun barco un pao inclinado untado con sebo e na punta do mesmo unha bandeira. Unha vez colocado todo esto e por riguroso orde hai que tratar de coller a bandeira, levando suculentos premios as tres primeiras persoas que o conseguen.Por toda a Vila xa sabemos cando as collen, a fotografía anterior corresponde o momento en que Xavier non me lembro do seu apelido colle a segunda bandeira, pois cada vez que se colle unha bandeira soan bombas de palenque, na primeira unha bomba, nas segunda duas e tres na terceira, que dan paso de seguido a un dos momentos preferidos dos rapaces, a Queima do Galán, un boneco que ten no seu interior material pirotécnico e que rema ata estoupar.

Dende Pontedeume para o mundo, ¡As Peras 2007!.

2007-09-07T20:36:00.000+02:00

Deron as doce do medio día e puntuais a sua cita acudiron os Mómaros e os Cabezudos. A praza e rúas colindantes ateigadas de xente foron testemuñas de como os chupinazos deron inicio as festas con a presenza do Alcalde e algúns concelleiros,de seguido puidemos ver o primeiro bico entre os mómaros

para despois dar paso o pasarrúas por todo o pobo e así dar por comezadas as Festas das Peras 2007 de Pontedeume.

¡Que pasedes boas Festas!.

Novo "Botellón" pero variamos o menú.

2007-09-04T08:24:00.000+02:00

Un fin de semana mais nos xuntamos un grupo de eumes@s con gañas de pasalo ben, por o que tras reunirnos nunha finca con vistas a ría, escomenzou a festa.

Nada mais chegar e unha vez repartidos as labouras de cada un, empezamos por abrir o "botellón" esta vez era de cervexa e a cortar a empanada para que así baixase mellor.
Toda vez que a cervexa tocaba o seu fin, decidimos que era a turno de ir catando as diferentes D.O. que alí se deron cita, pois había dende maceracións carbónicas ata grandes reservas da rioxa.
A todo esto xa estaban ben avanzadas as viandas que nesta vez había pouca cousa, sin olvidarnos da empanada, había navallas, bacallau o forno e o pil-pil, chourizos criollos e os normais, touciño entrefrebado de porco, xeados, froita, queimada, e a sorpresa final que nos ofreceu a nosa mellor reposteira, empanada de mazá, ¡que rica!, amósovos a sua foto.Unha vez que demos conta de todo esto e botando en falla as parellas que faltaban, os "mañicos" e os "catalás do órdago", escomenzamos a xogar as cartas baixo os efluvios das chispanzas, e da auga de Valencia, pasando o remate a botar unhas partidas de "brilé", no que o resultado era o de menos. Espero que non salte moito a vista, pois ¿nótase que perdemos?.

Eumeses de roteiro por Melide.

2007-08-20T21:27:00.000+02:00

Volvémonos a xuntar 24 persoas e decidimos facer unha ruta por Melide.
A intención aparte de poder gozar das súas marabillosas festas, gastronomía con chispanzas incluidas e o carácter afable dos seus habitantes, quedei marabillado co Museo Terra de Melide, un museo que por todo o que alí ten e non por ser a entrada de balde vos decepcionará.
Agradecer a atención prestada polo seu guía Pedro, o cal nos ensinou todas as reviravoltas do mesmo á vez que nos informaba con detalle de todo o que alí había.
Para empezar dicir que na súa planta baixa había unha exposición de cadros das que vos deixo unha pequena mostra en forma de imaxes, nas demais plantas ata un total de tres, unha completa exposición de todo o relacionado cas labouras cotiáns da Vila, sendo todo o que no mesmo se atopa doazóns dos habitantes de Melide.

Xa falta menos para o 4º Antroido de Verán.

2007-08-18T09:20:00.000+02:00

Rematou o 3º Antroido de Verán e xa estamos a espera do vindeiro.
Deixando aparte que si os disfraces eran mellores ou non, xa que moitos eran difíciles de levar debido a calor que fixo, pero o que non podo deixar pasar por alto foi o que si se acadou, que non foi outra cousa que se notase no ambiente que había gañas de pasalo ben por parte de toda a xente que na rúa se atopaba, como nas grandes ocasións "Breamo, O Río", o que desembocou en festa rachada.
Nesta ocasión non vos poderei amosar moitas fotografías xa que o meu disfraz non tiña petos onde poder levar a cámara con seguridade, por o que a calidade das imaxes o seren de movil deixan un pouco que desexar, pero non podía deixar pasar a ocasión de inmortalizar a festa así como dende aquí darlle a noraboa a Juancho como organizador do mesmo, ahí vai a tua foto.

Eumeses no Cebreiro e o Courel.

2007-08-14T17:07:00.000+02:00

Un grupo de amigos argallamos unha excursión a o Cebreiro e o Courel, por o que chegado o día puxemos rumbo e tras hora e media dende Pontedeume chegamos a o Cebreiro a cal sería a nosa primeira parada.
Nos recibiu cuberto de néboa pero pese a mesma, non era quen de ocultar baixo o seu espeso manto a sua beleza que poidemos admirar tanto nós como os centos de peregrinos que alí se atopaban. Mentres estábamos a degustar unha boa cunca de "caldo galego" e un pouco de "queixo do cebreiro", recibimos unha chamada de dous amigos que viñan de Salamanca e que se xuntarían a grupo, benvidos, xa somos 21.
Unha vez que nos xuntamos puxemos rumbo a o Courel con a intención de tomar algo antes de dar conta do "cabrito ao espeto" e de embutidos da zoa e sobretodo unha empanada que me sorprendeu moito, xa que un dos seus ingredentes eran nabizas, ah dos postres prefiro non falar, uhmmm.
Despois de dar conta de todo, fixemos un roteiro no que poidemos disfrutar das fotografías anteriores e levar unha sopresa, pois xa facía tempo que non vía ese nome para ¿sabedes que é o que está a sinalar?, seguro que si.

Xa que o botellón está de moda en Pontedeume, nós tamén o facemos.

2007-08-06T16:15:00.001+02:00

Nós non queríamos ser menos e nos apuntamos a moda de Pontedeume, o "Botellón".
A excusa a perfecta, un grupo de amigos que con gañas de pasalo ben se xuntan e argallan unha troula, na que non podían faltar a comida, bebida e o mellor a boa compaña con gañas de pasalo ben.
Escomenzamos por preparar o lume e a comida para os milleiros de persoas que alí estábamos concentrados, empezando por preparar unhas boas anchoas con queixo de Melide con a compaña de un bonito o marmitako, de seguido fixo acto de presenza a empanada a vez que o viño escomenzaba e escorregarse por as nosas gorxas.
Seguimos con as sardiñas lañadas ou tamén chamadas aquí en Pontedeume "bistés da marola" das que vos amoso fotos, para seguir con cigalas, navallas e polbo de Fisterra, concretamente do Sardiñeiro, pementos asados, coello a pementa, plumas e costela de porco ibérico e de postre bola de nata e queixada pasiega sin querer entrar en cafés e licores diversos, por o que o final da partida de rigor houbo partido de fútbol entre menores de 40 anos e maiores, que por certo ¡que paliza levaron!, ¿ou non?, bueno é igual, pois a mín ainda me doen as pernas.

D.O. Monterrei moito por descubrir, anímate.

2007-07-31T21:08:00.000+02:00

Non é que queira descubrir agora a D.O. de Monterrei, somentes vos quero amosar e abrir os ollos a aquelas persoas que descoñezan ou non tivesen a oportunidade de probar os caldos que alí se están a elaborar.
A D.O. Monterrei nace das vides que se atopan baixo a atenta mirada do Castelo de Monterrei, nas suas propias ladeiras e no propio val do río Támega e afluentes, ocupando unha extensión apróximada de 3.000 hectáreas. O seu chan é profundo e fértil, de terras pardas, materiais silíceos e con unha acidez media-alta. O seu clima se pode decir que ten rasgos mediterráneos, de veráns moi cálidos e con unha pluviosidade de 683 mm/ano.
Esta D.O. de recente creación, pois data do ano 1.996, cultiva nas suas viñas para o blanco as variedades autóctonas Dona Branca (Valenciana ou Moza Fresca), Godello (Verdello) e Treixadura (Verdello Louro), obtendo uns viños brancos frescos, afrutados e moi agradables, con un excelente equilibrio entre graduación e acidez, e para os seus caldos tintos empregan Mencía e Tempranillo (Arauxa) con o que están a conseguir uns viños frutais e moi expresivos.
Como mostra de todo esto que estou a contar amósovos un artigo que saiu pubricado na Voz de Galicia sobor do éxito colleitado por a D.O. de Monterrei no que despois de unha cata de caldos galegos deu como gañadores a dous viños de esta D.O., así como un enlace donde poderedes comprobar o eco que de esta nova tivo na Consellería de medio Rural desta cata celebrada en Allariz.

Disfrutar da gastronomía galega.

2007-07-29T12:00:00.000+02:00

Cando de disfrutar se trata aquí sabemos como facelo, pois somos quen de conxugar a imaxinación, a tecnoloxía e a gastronomía Galega.
Facer un "Cabrito o espeto" todos sabemos que é moi laborioso e que vai levar moito tempo facelo, pero hai é donde entra a nosa imaxinación, pois conxugar tecnoloxía para facer moito mais levadeiro o proceso de asado con a tranquilidade de poder charlar o carón dunha cunca de viño D.O. Monterrei sin perder o sabor tradicional do asado, fomos quen de o lograr o outro día.
Podedes imaxinar o resultado, unha pel tostadiña e crujiente o vez que a carne estaba tenra e zumenta.
Estou a procura de buscar unha aplicación para tratar de facervos chegar polo menos o cheiro xa que como podedes imaxinar non sobrou nada, pero si o que queredes é probar un, deixovos aquí o enlace de unha festa prevista para o vindeiro día 11 de agosto cerca de Pontedeume, no que o "Cabrito o espeto" será convidado de honra.

¿Estamos no verán ou en outono?.

2007-07-22T19:08:00.000+02:00

De todos é sabido que estamos no verán, bueno "verán" porque miro a data que marca o meu reloxio, porque si miramos para o ceo decatámonos de que facía moito tempo que non tíñamos un verán así.
Hoxe por a tarde dando un paseo por a Vila, concretamente por o Paseo Marítimo xa que hoxe por enésimo día non podemos disfrutar dun pouco de sol para acudir a praia, me decato de que unha árbore está a quedar sin follas, por o que penso duas cousas, ¿está a secar ou a natureza que é sabia dixo que o verán xa rematou e adiantou a caida das follas?.
Prometo mantervos informados, polo de momento disfrutade con as fotos.

Voluntarios en Defensa do Monte Galego en Pontedeume.

2007-07-19T16:26:00.000+02:00

Este ano debido as condicións metereolóxicas a tempada de alto risco de incendio nos montes galegos se está a retrasar, pero non por eso nos podemos relaxar e dende varias institucións como pode ser Voluntariado en Defensa do Monte Galego ou dende o Centro de Educación Especial "Carmen Polo" de Ferrol, nos están a dar unha lección de solidariedade e traballo con a natureza e preservación dos nosos montes, para eso basta con ver a laboura que veñen a desempeñar e sobor de todo a ilusión que teñen os mesmos, posta de manifesto nunha carta que escrita do seu puño e letra e asinada por catro voluntarios nos describen as suas sensacións. Se tedes oportunidade non deixedes de botarlle un vistazo pois as estan a pegar por moitas esquinas e lugares da vila.
Si te queres facer voluntario, o podes facer chamando o teléfono gratuito 900 400 800, anímate.

Procesión Marítima do Carme Pontedeume 2007.

2007-07-17T11:29:00.001+02:00

No día de onte en Pontedeume tivemos a oportunidade de volver a recuperar a Procesión Marítima e así rendir merecido homenaxe a Virxe do Carme, patroa dos mariñeiros.
A vila dos Andrade, un pobo que o longo da súa traxectoria ten un marcado carácter mariñeiro, onte nunha tarde chea de emoción e ledicia, posta de manifesto a través dos centos de persoas participantes e nas autoridades que a acompañaron, poideron ser partícipes tanto da misa que tivo lugar no porto baixo a atenta mirada da Imaxen da Virxe do Carme, como da procesión marítima que tivo lugar a continuación, na que como mandan as tradicións e a bordo nesta ocasión do barco "Capricho" zarpou ao encontro da outra imaxe da Virxe, que dende Redes e a bordo do "Santiaguiño" surcaron xuntas a ría ata depositar a coroa no mar antes de regresar cada unha o seu Porto, aproveitando a Imaxen da Virxe para darlle un cariñoso guiño a Estatua que a mesma ten e preside a entrada do porto de Pontedeume, saudándose ata o ano que ven.
Dende aquí quero agradecerlles tanto a Antón como a Paloma os (Fornos ou Fonés) xa que tras a sua invitación e a bordo do "Piula" foi posible a miña participación na Procesión facendo posibles estas fotografías. Grazas.

Sábado 14 de xullo, nublado, pero Pontedeume a tope co feirón.

2007-07-14T15:46:00.000+02:00

Sábado 14 de xullo, o día aparece nublado e o sol non nos quere deleitar con a sua presenza, por o que penso que moita xente decidiu que a mellor forma de pasar o día sería Pontedeume e o seu feirón.
Bastaba con dar unha volta por Pontedeume hoxe para darse conta que algo estaba a suceder, xa que non era un sábado normal. Hoxe sábado en que moitas persoas deron o pistoletazo de saida as suas vacacións e o non acompañar o tempo decidiron que a mellor forma de pasar a mañán era no feirón e abofé que dou fe do mesmo.
A continuación amosareivos unha serie de fotografías tomadas no feirón, non querendo deixar pasar a oportunidade de agradecer a tódalas persoas que fixestes posible que este blog xa teña mais de mil entradas, por o que somentes GRAZAS.

Estampas que facía tempo que non se vían en Pontedeume.

2007-07-12T12:25:00.000+02:00

Facía moito tempo que estas estampas non se vían en Pontedeume reza o titular.
Partindo da idea de que me da igual o partido que esté no poder, xa que valoro o traballo que se faga por e para o mesmo, pódovos decir que estamos a notar un cambio no pobo pouco a pouco e que non está a pasar desapercibido. Esta nova corporación estase a dar conta que temos un pobo moi grande e que ten unha beleza e riqueza recoñecida que todos sabíamos menos os que estaban no goberno anterior, e por moi pouco que se faga sae a relucir.
Séguense a notar aparte dos cambios que mencionei na anterior entrada, o pintado das farolas, o coidado dos nosos xardíns, e tamén vos menciono o coidado que estan a levar no cemiterio, pois no mesmo cortaron uns cipreses secos e procederon a limpar de maleza as paredes do mesmo.
Dende este blog vos animo a seguir esperando que os operarios do concello non se den de baixa por exceso de traballo con respecto a anos anteriores.

Escomenzan a verse cambios no pobo.

2007-07-09T18:40:00.000+02:00

Despois dun tempo no que por motivos laborais tiven o blog un pouco parado, volvo con ánimos renovados e con a ledicia de podervos comunicar que se están a notar pequenos, pero o fin e o cabo cambios no Pobo.
Nunha época do ano en que o calor e o astro rei deberían estar o noso carón, póñome a pensar en que igual se contaxiou da deixadez con que se viña a desenrolar o noso Pobo, pero que nestas últimas semanas escoménzase a ver unha luz de esperanza no horizonte o igual que na fotografía, para o volver a Rexurdir de Pontedeume.

Parece que atrás queda a desidia na que viña a estar mergullado Pontedeume. Con respecto a deixadez do paseo marítimo, cortouse a herba do mesmo, estanse a lixar as farolas que quedaron, imaxino que para pintalas, escomenzouse a reparar a fonte do inicio do paseo, etc, pequenos cambios pero que demostran gañas de traballar, aunque tampouco é para loubar moito esto xa que para eso foron elexidos.
De seguido vos amoso unha serie de fotografías nas que se ve o antes e o despois para que vos mesmos saquedes as vosas propias conclusións.
Existía un antes:

E por sorte e sacadas no mesmo sitio un tempo despois:

Por San Xoán a sardiña molla o pan.

2007-06-25T16:36:00.000+02:00

Que razón ten o encabezamento, xa que as sardiñas estaban no seu punto.
Como tódolos anos con a chegada da noite do 23 de xuño, Noite de San Xoán, nos concentramos a veira de Xulio para degustar as xardiñas con que nos deleita.
Este ano como non podía ser menos e baixo o ritmo imposto por Saavedra, todo o mundo se animou a bailar algunha peza o remate das xardiñas, facendo tan bo tempo que ainda que cantou Xulio non foi quen de estraga-lo.
Despois achegámonos a praia de Cabañas para seguir con a troula, praia que estaba ateigada de xente e de lumeiradas cada cal mais grande que a anterior, e como nós non podíamos ser menos, fixemos unha que tivemos que esperar caseque apagase para poder salta-la e así poder decir os conxuros para botar os meigallos fora e darlle a benvida o verán.

Noite máxica, noite de San Xoán

2007-06-22T18:04:00.000+02:00

Noite máxica dende os tempos mais remotos e que coincide con a celebración do solsticio de verán, polo que será a noite mais curta do ano. Na nosa terra ten unhas características especiais. É a noite do lume, fogueiras, lumeiradas, cachelas ou caharelas, pero tamén da auga donde reviven as fontes santas e milagreiras, a das nove ondas xa que purifican e fecundan, do orballo e do mundo vexetal.

Como ben sabemos en Pontedeume, nesta noite as plantas acadan o seu maior explendor e as suas maiores propiedades curativas e máxicas. Por ese motivo aquí en Pontedeume tóda-las mozas as recollen para poñelas un caldeiro con auga, para deixalas dentro toda a noite baixo o orballo, aproveitando toda a familia o erguerse, en especial os nenos para lavarse a cara con esta auga milagreira.

Algunhas herbas varían segundo a zona, pero as mais comúns en Pontedeume son as seguintes

- As rosas, as cales teñen propiedades tónicas e astrixentes para a pel.

- Os fentos dos que se dice que nesta noite bota flores, flores que servirán para facer feitizos.

- Herba luisa, herbas que teñen propiedades dixestivas e aparte tamén se empregaban para moitos ritos e feitizos amorosos.

- Herba de San Xoán, empregada para purificá-la casa o queima-la dentro da mesma.

- Romeu, outra das plantas empregadas en purificá-la casa e protexer a mesma.

- Hai outras como a menta e a ruda, plantas moi empregadas aquí.

Nesta ocasión me fago eco dunha iniciativa que levaron a cabo o ano pasado a UCOA (Unión de comerciantes autónomos eumeses), que van repetir este ano repartindo ramilletes entre os sus clientes para que estes somentes teñan que poñer en auga e baixo o orballo da noite as herbas milagreiras, e así poder lavá-la cara con a auga das mesmas.

Aserrín, aserrán xa esta aquí o verán.

2007-06-21T11:55:00.001+02:00

Como dí a canción "aserrín, aserrán xa esta aquí o verán", pero somentes como dí a canción, non se vos ocurra mirar pola fiestra para tratar de comprobalo, polo menos en Pontedeume.
Con a chegada do verán ábrense infinitas posibilidades de festa esgotándose as excusas para evitar sair de troula.
Sin ir mais lonxe para este fin de semán, xurde a posibilidade de expresar a nosa devoción por San Xoan, e participar nas múltiples sardiñadas o carón das múltiples lumeiradas ou cacharelas de San Xoan.
No noso concello ainda se mantén a tradición de porfiar que é de facer a lumeirada mais grande, ainda que teñamos que sair da vila para comprobalo e trasladarnos as parroquias do noso concello, tradición que na vila se perdeu imaxino que por cuestións de seguridade, pero quen non lembra as lumeiradas da "Estación", as da "Praza da Calzada" , imaxino que tamén habería algunha por a zona de "Ricardo Sánchez" descoñecendo este dato, pero destacando sobor de todas a de "Boavista" xa que era a mais grande de todas.
Para todos aqueles que fagan unha lumeirada ou cacharela, lémbrolles as verbas que deben decir o salvar as mesmas, xa que serven para purificar e botar os meigallos fora aparte de casar as mulleres que as salten sin tocar o lume veces impares. As verbas que coñezo son: "salto por enriba do lume de San Xoán, para que non me trabe nin cadela nin can" ou esta outra "Deus te dou, Deus te criou, Deus che saque este meigallo se alguén cho botou. Antes que o mal sexa visto, naceu Cristo, morra este mal e viva Cristo", e por último cando se achega a hora de bota-la borralla e as cinzas de cara o río e acaben no mar non esquezan decir: "Demo maldito vaite de aí. Aí vai a borralla de San Xoán atrás de tí. Deus te leve ó mar onde non cantou a galiña nin o galo, pois o que cantou levouno o diaño"
Por último e para que estedes informados das moitísimas festas e caralladas que se celebrarán tanto no noso concello como en toda Galicia, poño o alcance da vosa man este buscador de festas para que non perdades ningunha, así como non podo evitar recomendarvos o enlace que tedes nesta páxina dun blog "Pontedeume en Festas" que trata de recopilar tamén as festas que surden argalladas a nivel local e non están recollidas por o buscador.

Cando en Pontedeume se xuntan uns amigos.

2007-06-18T18:48:00.000+02:00

Tódolos anos argallado por Xulio e Rosa donos do "Bar Fubolín" de Pontedeume para dar escomenzo a tempada de verán, celébrase unha comida nas Fragas do Eume, baixo a atenta e maxestuosa mirada do río Eume.
Este ano no ía ser menos, e ainda que o tempo ameazase choiva, animámonos un grupo de apróximadamente oitenta persoas.
Foi un día no que houbo de todo, dende música, maxia para os mais cativos, e sobor de todo comida e bebida a esgalla.
Nas fotografías anteriores, podedes ver un momento no que se estaba a afinar unha zanfoña feita feita por él artesanalmente, a presenza duns xamóns que tiveron a delicadeza de acompañarnos no evento e a sobremesa onde nos animamos a entoar unhas cantigas.
Amósovos tamén tres enlaces donde poderedes visionar tres vídeos; o primeiro titúlase "Afiando a Zanfoña", o segundo "Entoando antes da comida" e o terceiro a "Sobremesa nas Fragas do Eume".

Abelardo Miguel y María Fidalgo.

2007-06-13T10:46:00.000+02:00

Na entrada anterior me fixen eco do chamamento de María Fidalgo para tratar de levar a cabo un estudio e catalogamento da obra de Abelardo Miguel.
Posto en contacto con a mesma e tras recibir un correo no que me amosa o cariño e ilusión que está a desempeñar na sua laboura, me obriga non so a tratar de axudala en todo o que sexa posible, senon que xa vos podo comentar que teño localizados varios cuadros, sobretodo retratos de mariñeiros, que lle farei chegar xunto con os comentarios e historias dos mesmos.
Achégovos un extracto do comentario que me mandou do cadro que teñen os meus sogros, no que amosa os seus coñecementos e espero vos anime a axudala.

"A paisaxe é un xénero que o traballou pouco como xénero individual, en cambio moito como complemento das suas obras de figuración e bodegón, por o que o cadro aparte da sua espectacular beleza ten o valor engadido da sua singularidade". María Fidalgo.

Graciñas por o teu comentario e tamén por a fotografía do cadro con que me agasallaches, a cal vos amoso.

Abelardo Miguel.

2007-06-10T16:33:00.000+02:00

Fágome eco dun chamamento feito nunha páxina dun amigo, Pontedeume na rede, na que unha muller se interesaba por a obra e traballo de Abelardo Miguel.
Dende este blog prégolles a tódolos visitantes do mesmo que si teñen algunha nova que aportar mas fagan chegar que me comprometo a mandarllas a María Fidalgo, persoa que tenta recopilar a sua obra e facer pública a mesma, poñendo a vosa disposición os artigos que a mesma publicou no Diario de Ferrol, na Opinión de Coruña e unhas enquisas persoais da mesma.
Dende este blog teño o orgullo de amosarvos a fotografía do cadro de Abelardo Miguel que preside o salón da casa dos meus sogros, cadro que Abelardo Miguel lles agasallou con motivo do seu casamento fai 37 anos, e no que nos amosa a vista que dende "Zopazos" se pode observar da ría, paisaxe que os Eumeses coñecemos ben.

Buscando quen me visita.

2007-06-08T18:03:00.000+02:00

Nunha tarde de choiva como a de hoxe, me propoño ver tanto a xente que me visita como a canle que seguen para chegar a esta páxina, por o que atopo páxinas de amigos como poden ser Pontedeume na rede ou a de Pontedeume-fala, páxinas nas que tedes unha ligazón para chegar a miña, pero o que me verdadeiramente me sorprendeu foi o descubrir que hai unha dirección onde podedes atopar blogs en galego, nas que me atopo.
Espero visitedes tanto as páxinas destes amigos como a que aglutina todolos blogs en galego, hai mais de 3.000, por o que vos aseguro entretemento por unhos intres.

Catálogo de árbores senlleiras.

2007-06-07T18:23:00.000+02:00

O pasado martes 17 de abril do presente ano ven de ser publicado no D.O.G.A. o Decreto 67/2007, de 22 de marzo, no que se regula o Catálogo Galego de Árbores Senlleiras, podendo presumir de ter na proposta dun principio que se fixo de catro árbores, penso que o último é de outro concello concretamente o de Miño, refírome o Piñeiro bravo de Leiro, e nun artigo publicado na Voz de Galicia do que vos adxuntarei o recorte do mesmo, veñen recollidos os tres que nos corresponden.
Veñen recollidos o Teixo - Tejo (Taxus baccata L) situado este xunto a casa dos Tenreiro, a casa que está o final do paseo marítimo de Pontedeume,ainda que na mesma hai duas árbores levando a fama a que está preparada; o Metrosidero Excelsa (Metrosideros excelsa Soland. ex Gaertn) situado este no xardin de Lombardero xunto o Torreón dos Andrade; e a Araucaria Excelsa (Araucaria heterophylla Salisb. Franco) situada esta última tamén na casa dos Tenreiro.
Existen tamén outras árbores que non veñen a ser mencionadas nin recollidas por o Catálogo como pode ser por exemplo o Teixo do asilo de ancians.
En posteriores entradas amosareivos fotografías dos mesmos, así como unha reseña e historia dos mesmos xa que baixo algún deles se celebraron Consellos de Ministros nos tempos de Azaña.

Como nenos no patio do colexio.

2007-05-30T11:23:00.000+02:00

Sígome a manifestar que non tentarei decantarme neste blog sobor da miña ideoloxía, pero non penso estar calado fronte as manifestacións de persoas deste pobo na prensa, manifestacións que temos que coidar xa que está a imaxe do noso pobo en xogo, porque señores, os xornais non só se reparten na vila, senon que se reparten por todo o territorio español amén das edicións dixitais que se espallan por tódolos rincons do planeta.
Refírome as verbas que recolleu no día de onte "La Voz de Galicia" nas páxinas locais, do responsable do B.N.G. de Pontedeume e que tiveron pronta réplica no día de hoxe por o responsable dos Independentes de Pontedeume.
Non me quero manifestar sobor das mesmas xa que pulsando nos enlaces poderedes sacar as vosas propias conclusións, pero o que si quero decir é que deixémonos de disputas de nenos no patio dun colexio, os trapos sucios se lavan na casa e non de cara a galería, e adiquémonos a endereitar o rumbo de Pontedeume que tanto se precisa, dende o goberno como dende a oposición.

28 de maio, ¿un día mais ou o rexurdimento?

2007-05-28T15:47:00.000+02:00

Ultimos coletazos do 27 de Maio e amósanos a decisión do Pobo, que non é outra que prefire un cambio no goberno, sexa para ben ou para mal o tempo dará ou quitará razóns, pero sin querer entrar a valorar a cor de donde se mire, o pobo decidiu.
Deixando os triunfalismos, xa que hai que traballar moito, os agora gobernantes deben saber que foron elexidos por e para o pobo, e me ven a mente unha imaxe que quixen inmortalizar onte a tarde, mais ou menos sobor da hora do reconto dos votos, na que se pode ver un Pontedeume na penumbra e unhas raiolas de sol que tímidamente pelexan con as nubes, por o que dende este blog vos pido que xunto o voso esforzo, fagades que as mesmas iluminen o Pobo e o Rexurdir de Pontedeume escomence a ser unha realidade.

27 de Maio, ¿un día mais?

2007-05-27T09:36:00.000+02:00

27 de Maio día no que estamos chamados a exercer o noso dereito a votar, é día no que se volverán a repetir conductas que me irritan especialmente: a pouca costume que temos de usar as cabinas, con a conseguinte degradación do segredo do voto, e a onerosa e mal retribuida carga que se lle impón a tódolos menbros das mesas. Especialmente por ser hoxe o día de acudir a votar, e para que ninguén me acuse inxustamente, dende aquí invito a tódolos cidadáns a exercitálo seu dereito para así poder nomear a quen queremos poñer a fronte do noso concello os vindeiros catro anos, incluso no caso, nos que nos atopamos moitos, de ter que abrazar unha opción sin un exceso de fervor. Absteñerse é deixar que decidan outros, e sempre haberá alguén que te fastidiará mais que aquela persoa que non che acaba de convencer. Penso que tódolos candidatos, gañen ou perdan, deberían meditar sobor da menguante seducción que o seu colectivo exerce sobor de todos nós. Creo que se debería inxeniar outra forma de pedir o voto, pero o mais importante, outra forma de usalo.

Por fin remata.

2007-05-25T10:44:00.000+02:00

Está a piques de rematar a campaña electoral, tempo, nos que tivemos a oportunidade de ver como desenrolaban o seu traballo tódolos partidos, e nos facían mais ameno o transcurrir dos días o son das suas verbas e himnos das suas cores. Todos poidemos ver tamén os carteis que adornan a nosa vila, que se reproduxeron por tódolos rincóns do noso concello, esperando que se marchiten e desaparezan o remate das eleccións con a mesma rapidez con a que afloraron e non aparezan ata as vindeiras, por o que dou parabens por anticipado. Pero amplio os parabens porque se respetase o concello, me explico, porque fixen unha viaxe estes días e non saía do meu asombro o comprobar que neses lugares as flores tardarán en marchitarse e somentes o poderán facer con o tempo, moito tempo, xa que os carteis se pegaron a paredes, contedores de lixo, e mais lugares nos que perdurarán ata que o paso do tempo os faga desaparecer, amósovos unhas imaxes que dan conta do que estou a falar.
Por outro intre, fágome eco dun artigo publicado nun blog amigo do que dispoñedes unha ligazon dende aquí, no que enumera as multiples opcións extras de festa no pobo que xurden para o día de hoxe.

Ainda nos quedan os careixons.

2007-05-18T19:29:00.000+02:00

De paseo polas ruas e camiños de Pontedeume, aparte de disfrutar do seu entorno e beleza sin igual, aproveito para invitar a todas aquela persoas que esten a leer este artigo o comproben, se pode disfrutar nesta época do ano dos "careixons", un froito moi parecido os amorodos, mais pequeniño pero tamén mais doce.
Para ilustrar estas verbas amosovos unhas fotografías nas que podedes apreciar a beleza porque de sabor xa vos adianto que estaban moi bos.
Decirvos tamén que despois de collelos procedín a sua pesaxe nunha báscula dixital, arroxando un total de 683 gramos, eso si collendo somentes os maduros, por o que espero entendades non diga onde os atopei e así poder coller o resto.

Casualidade ou ¿xa lle tocaba?

2007-05-18T15:27:00.000+02:00

Hoxe antes de sair da casa me chama a atención os ruidos dunha máquina de cortar o céspede, e o meu pensamento se vai a pensar no veciño, pero o me asombro non ten límites, igual que o faríades vos o descubrir que non se trataba do veciño, senón que eran os operarios do concello que están a cortala herba dos xardins.
Por un intre me poño a pensar que sería casualidade que nun artigo anterior nos referimos a mesma ou que xa lle tocaba, e decir, que por a sua lonxitude xa non se podían observar as bancadas nas que por certo eu non me sentaría, pero que impedían a sua visión. O resultado foi que xa temos os cañotos cortados, si digo cañotos e non herba, porque de tanto crecer agora o cortala, quedan uns cañotos nos que nin me atrevo a pisar calzado, ¿será unha estratexia do concello para preserválos xardíns?. É igual se foi casulidade ou non, o caso e que xa podemos ver as bancadas. Graciñas.

A sorte dos nenos deste pobo.

2007-05-13T12:47:00.000+02:00

Nestas xornadas que estamos a vivir dende o meu punto de vista atípicas, xa que son datas nas que se aproveitan para facer inauguracións dos traballos realizados de cara a galería, no noso pobo seguimos a ter os mesmos problemas de sempre, as lousas da praza do mercado, chamada por todos nos "praza da viagra", e me pregunto se non será por culpa das arañas que veñen do Brasil , os problemas de tráfico, aparcamento e outros mais que todos sabemos.
Pero de todo esto quen saca mais proveito son os nosos nenos, xa que poden xogar o escondite nos parques con toda a facilidade que o concello se presta, porque con o esmerado coidado con que os manteñen, a herba e o que non o é, xa alcanza alturas que permiten que se camuflen sen seren vistos.

Arrancou a carreira por o Concello.

2007-05-11T11:38:00.000+02:00

Onte as 00'00 horas escomenzou a carreira para subirse a poltrona do noso concello, por o que xa podemos ver as nosas ruas engaioladas con a publicidade dos distintos partidos que participan na mesma.
Dende este blog se anima a tódolos participantes a realizar unha carreira limpa, e que realicen o seu traballo o mellor posible, facendo chegar a tódolos votantes as suas ideas e proxectos, e entre todos saquemos o noso pobo do ostracismo en que se ve inmerso e lles prego traballen sin descanso, para que a partires do vindeiro 27 de maio O Rexurdir de Pontedeume sexa un feito e non unha utopía.

Ainda estamos a tempo.

2007-05-08T10:23:00.000+02:00

O erguerme e deambular polas rúas do pobo, se nota que é unha mañá especial, é 8 de maio a subida a Breamo, pero ainda que sexa festivo local se pode conceder un pouco de tempo a ollar a prensa e reparo nun artigo dunha persoa do val de Monterrei que persoalmente coñezo, que durante unhos intres me fai reflexionar, e me paro a pensar que deberíamos ensinarlles os nosos políticos o mesmo para despois poderlles preguntar a conclusión que sacan do mesmo. Dende este blog prego que se de traslado o mesmo a tódolos dirixentes políticos do noso pobo, para que O Rexurdir de Pontedeume non sexa unha utopía.
http://www.lavozdegalicia.es/se_opinion/noticia.jsp?CAT=130&TEXTO=5784706

Aprendamos dos nosos nenos.

2007-05-06T20:33:00.001+02:00

Onte me convenceron se e que ainda non o estaba, que temos que aprender moito dos nosos nenos.
No día de onte se celebraron os maios en Pontedeume, si non me equivoco era 5 de maio e non o día 1. Os nenos sairon e encheron de ledicia as ruas e a alameda de Raxoi, e persoalmente o ver esas caras cheas de ilusión e afán por levar o premio, fixeronme esquecer por un intre que onte non era o primeiro de Maio.
A xente que onte nos visitou era moita como en tódolos días de feirón, e o seu sentir era de ledicia e ilusión o ver os nosos nenos, pero tamén os embargaba a dúbida de que porqué se celebraban no día de onte, e ante as súas preguntas unha das respostas que mais me gustou dun veciño do pobo, foi a que lle dixo que neste pobo con o afán de recibir o visitante e para alegrarlle a sua estadía no día de onte, se volveron a celebrar os Maios.

Pontedeume no xornal.

2007-05-03T15:19:00.000+02:00

Cando me ergo hoxe pola mañán e me dispoño a leer o xornal, me atopo con que di que o centro da economía de Pontedeume é o turismo, http://www.lavozdegalicia.es/ed_ferrol/noticia.jsp?CAT=122&TEXTO=5769163, e me xurden moitas dúbidas, a primeira ¿que é o que se está a facer no pobo para fomentar o turismo dende o concello? cando eu só vexo trabas para tódolos visitantes, dende o aparcamento para os seus vehículos o caos circulatorio tanto nos accesos como dentro do casco, este último debido principalmente a que cada un aparca o seu vehículo donde quere, ou mellor dito o mais cerca do seu destino, sexa enrriba dunha beirarúa ou en dobre fila, non facéndose nada por evitalo dende os que nos gobernan nin os que deben poñer orde. Outra duda que me xurde é o que pensarán a xente que nos visita, que caseque seguro dirán o que se me pasa pola mente, que non é outra cousa que vendo o tremendo potencial que ten o noso pobo e a beleza do mesmo, non sexan aproveitados axeitadamente, e debido a desidia e a falla dun plan de rehabilitación do casco de Pontedeume se vexan por caseque tódalas rúas casas abandoadas e en estado ruinoso.
Outra cousa que fai fomentar o turismo é a improvisación, posta de manifesto no cambio de fecha dos Maios, xa que si algunha persoa se desprazase o pobo para disfrutar dos mesmos se atopou con o cambio dos mesmos para o vindeiro día 5, sin querer entrar na desilusión dos nenos ese día. Esperemos que non se lles de por cambiar tamen a data da Subida a Breamo por cair en martes, que por certo meteogalicia da grandes probabilidades de faga bo tempo.

1 de Maio, día do traballador.

2007-05-01T19:59:00.000+02:00

Morre abril e dámoslle a benvida a maio, mes que nos ten reservados a os eumeses entre outras actividades lúdicas a subida a Breamo do día 8, día que será festivo local e data nas que tódos ou caseque tódolos eumeses participaremos da mesma con mais ou menos intensidade.

Pero mentras chega ese día, atopamos antes o día 1 de Maio, Día do Traballador, día no que moitos traballadores que pelexan por uns dereitos ou liberdades, manifestadose polas ruas de todo o territorio.

Dende Pontedeume non podía ser menos, e xa que non se puido ver o discorrer da mesma por as ruas da vila ou polas parroquias pertencentes o concello, fagamos que se vexan por este medio as gañas que ten o pobo de que se traballe por o mesmo e para o mesmo, fagamos que as nosas gañas se lles contaxien os nosos políticos tanto do goberno ou da oposición, que se den conta que os cidadáns os eleximos como os nosos representantes, non para figurar senon para traballar e loitar por Pontedeume.

Por eso dende o que representa o día de hoxe para todos nós, e por a ilusión con que se afrontou este proxecto, vos pido un pouco de compromiso e gañas, para que este día tamén sexa recordado por ser o día en que os eumeses adquiriron un compromiso de esforzo de cara O Rexurdir de Pontedeume.

Cidadans de primeira ou segunda categoría.-

2007-04-29T18:13:00.000+02:00

Nas datas que se nos aproximan, datas nas que o futuro do noso pobo se está poñendo en xogo, xurden moitas dudas de quen será o mellor e quen o peor, na que eu non quero entrar, pero o que na realidade estamos a ver e a situación no que se atopa o noso pobo, xa que prefiro facer unha páxina constructiva e que sirva para conseguir que se millore a nosa situación, que entrar a trapo e poñer a pan pedir a uns ou a outros. Para min tanta culpa teñen os que gobernan como os que non o fan e se atopan na oposición, xa que si os primeiros non fan nada por millorala, os segundos se quedan de brazos cruzados sin facer nada, cando todos, sexan de un partido ou de outro, son os nosos representantes.
En canto a situación do pobo e da comarca en xeral, podemonos referir a que nesta vida hai que ter sorte de vivir nun punto ou noutro, xa que si nas parroquias a deixadez é evidente, mesmo dentro do pobo temos a marxinación de que si vives nun número da rúa ou noutro. Por exemplo, que pensarán os veciños ou paseantes, moitos deles ancians, da rúa de ferrol que viven perto da estación, que teñen que chegar as suas vivendas por unhas beiraruas novas ata a altura da rúa ría de Ares, deixando o resto de seu traxecto as beiraruas vellas, cheas de buratos e con risco evidente de teren accidentes. E me fago a seguinte pregunta, ¿e que non pagan os seus impostos como os demais ou se atopan marxinados?. Tamén me pregunto, ¿qué primeira imaxe ofrece o noso pobo a tódolos viaxeiros que nos visitan por ferrocarril, por desgracia non son moitos, cando chegan a estación e ven o estado da mesma e os seus accesos?.
Tentemos lembrarlles os nosos gobernantes os nosos problemas, fagamos que tamén sexan os seus, non olvidando a actuación que tivo un veciño desta vila con un dos nosos problemas, me refiro o problema do alumeado público e a sua conservación, que se atopaba nun estado lamentable, con os cables a vista e accesibles a calquera persoa, con o risco evidente de que pasase un caso similar ao de Ribeira, e facendo forza no concello, eso si despois de trascurridos un ano en algunhos meses, conseguiu que se amañasen. Dende esta páxina agradecerlle o seu esforzo a este veciño, titular da páxina na que tedes unha ligazón dende este blog, e por amosarnos a tódolos veciños que con un pouco de esforzo por a nosa parte poderemos facer que O Rexurdir de Pontedeume sexa unha realidade.
Espero as vosas ideas e inquedanzas para tratar de que este esforzo non sexa en vano.

O Rexurdir de Pontedeume

2007-04-27T19:02:00.000+02:00

A creación deste blog, non busca outra cousa que O rexurdir de Pontedeume, pobo que fai uns anos era o refente da bisbarra e con o poder do paso dos anos, foi decaindo ata atoparse no obstracismo no que nos vemos mergullados.
Queremos facer deste blog un espello, que permita aos políticos e responsables de nos representar no goberno de Pontedeume, mirarse e saber das inquedanzas da xente, dos veciños de Pontedeume en definitiva de todos nós.
Por ese motivo e dende este blog, animo a participar a tódala xente sexan o non veciños da comarca, a mostrar as suas inquedanzas e pareceres así como as solucións que eles crean sexan ou non axeitadas.
Esperando a vosa participación sobre o Rexurdir de Pontedeume, que xa é hora de comenzar e sobretodo nestas datas que se nos achegan de promesas electorais, tomemos a palabra.
Unha aperta.